[COLOR=#0E0E01][B][FONT=Simplified Arabic][SIZE=4]

يافاتنه في غيبتك ما صفا بال ،، مات الزهر والورد يشكي ذبوله
تبدّلت ياغايتـي كل الاحوال ،، والغيث شح بمآه وابطى هطولـه
والبسمه اللي ترتسم بين الاطفال ،، تبدلت فيها معاني الطفوله
حتى النجوم العاليه حالها حال ،، ماعاد تلمع في سماء كل دوله
دام القمر ماهو يتباهى ويختال ،، وش خانه العاشق وشعره وقوله
واهل الطرب غنّوا مع كل موّال ،، وين الملاك الطاهر اللي تقوله
ياليت دمعي ما تحدّر وما سآل ،، اذا حضر طاري الملاك الخجوله
حفظت بعد مفارقك شعر الاطلال ،، وجهلت شعر الحرب واهل البطوله
كنت اذكرك لامرني غيم همّال ،، والمح طيوفك لآ تعدّت عجولـه
واذكر وصوفك كل ماشفت سلسال ،، واتخيل اوصافه وماقدر اطوله
ياليتني مشفتك بحلم رحآل ،، اقدر اعيشه فـ الحيـآه بسهولـه
واستنشق انفاس الزهر واطوي الشال ،، حوله عشان يكون فـ احسن فصوله
واقدمك لي بالهداوه والامهال ،، واحرص عليك من الهوا يالجفولـه
وادراك من نقّاله القيل والقال ،، واتابعك في كل صولـه وجولـه
وتعيش جوٍ ماطرى لك على البال ،، لكنّ في واقعك مانته بحولـه
في غيبتك هذي حلومي ومازال ،، شفّي وصول الزين لحظه وصولـه
[/SIZE][/FONT][/B][/COLOR]