[COLOR=#121200][B][FONT=Simplified Arabic][SIZE=4]
انا لاوْحِيت من قوله كما نـقشً بخد حـيـــود

بعد ماقول صح الله لسانــــه ربي يـــــــدرّه

يجي بين الفكر والهجس ياحاوي ويامــــردود

ومحاديب الجزاله ثوبهـــا لاشاشت تـــقــرّه

يقولون العرب ماكل من يغزي يضوّي فـــود

ولا من داج قانص يعرف الصيده من الجــرّه

توافيق ووهايب من عظيمً واحدً معــبــــود

محد ياخــذ بيـــده لوبغالــــــه لوكبــــر ذرّه

ومدام انك معافا لاتحسب نقصهــــا والــزود

تراها فانيه والستــــر ثوبـــه لاضفـــى زرّه

اسع واتعب قدم رجلك وتبلغ غاية المــقـصود

ورجاك بواحدً بابه عن الراجين ماصـــــــرّه

وعلى مامرني بأيامها من بيضهــا والســــــود

مافيه العن من اللي يجحد اللـي بالزمن بــرّه

عسـى ماطاف من درسً جرحنا مانبـيه يعـود

يضيق الصدر مير الكون واســـــع بحره وبـرّه

عجايب ياعسى اللّـه مايـــقربنا مــن المنقـود

يموت الرجل منـّـا قافلً صدرة على ســـــرّه

ومن بـــاع الكرامة في زمانه ماعنه منــشـود

يموت بـــذّل مالــــه لاقبـــول ولابـــرد حـرّه

ترا طبع الليالــي ماتـــدوم النــــا سهـود مـهود

لواعطتنا الامـــــــان تبوقنــا وتعــاود الكـــــرّه

عسى غر السحاب اللي شلع برقه ودنّ رعــود

يهل ثعول ماشاله من العــــارض إلى الحــــرّه

نواف بن عميره[/SIZE][/FONT][/B][/COLOR]