شكر من قبيلة القساسمه

[COLOR=#0D0D01][FONT=Times New Roman][B][SIZE=4]سلام يالعتبان في قاف(ن) جديد
من هاجسن طربان لابيات القصيد
الله يعز أمثالكم و يديمهم
والله يخليكم لنا ذخر و رصيد
يا شيوخنا ميقافكم ما ينسي
أنقذتو احمد من مقاضيب الحديد
من عقب ماضاقت عليه وعسرت
فرجتو الكربه عقب رب(ن) حميد
جيتو وابن مناع قدر جاهكم
قدر هل الطاله عساء عمره مديد
والطيب ما نستغربه من فاعله
شيخ(ن) ليازادت هقاوينا يزيد
والله يعز الي وقف ماقف شرف
من البقوم ومن سبيع وبن قويد
والهنشل من مطير تذكر وقفته
دعيج بن بطحي عساء عمره يزيد
ويافيصل الغرمول يا راع الوفاء
ميقافكم ماقف سنع والله شهيد
وفراج بن دهمان اله ماقف فخر
ومران لاضاقت يفيد ويستفيد
ما ينسئ ميقافهم مع ربعنا
والهم شكر منا ليا وقت(ن) بعيد
ويوم أحتمة في ربعنا وقفة سعد
من الذي عساه فالدنيا سعيد
مسعد سمار اللي كفلها كلها
اللي يسوق المال للجزله واكيد
أنا ما ننسا شيوخنا و أعوانهم
ولا خير كاننا نسينا بن فهيد
طلال بن فيحان لاكبرت يشوش
اللي مع عتيبه مواقيفه عديد
وابن وهق راع الكرم خطل الذراع
وابن نجم رمز العطاء ناصر وديد
وابن محيا اللي عزومه وافيه
نايف ولد متعب لجدانه يعيد
والضيط ابن نايف بدر شيخ الفخر
اللي له صنيتان فالجزله عضيد
ومتعب ذعار القبع شيال الحمول
له وقفت(ن) بانت مع الحمل الشديد
وعيال خاشم بن مصوي غانمين
قامو بوقفات(ن) لها وصف(ن) فريد
وابن تويلي مع سعد ولد عديس
درع العوازم دونهم سوات حيد
ولاينسى الشغار حمايا التوال
بدر ولد محماس اله فعل(ن) مجيد
وسلطان بن ناصر لاجات الصامله
في ما قفه يعرف واله مجد(ن) تليد
مع قاعد الوهاب حلال الصعاب
اليا ذكرنا فعلهم يبقاء مزيد
ولاهانو الزربان وافين الشبور
اللي لهم تاريخ مع مجد(ن) تليد
غالب بن مناحي وبدر ابن جدي
وسعود نطاح المواجيب العقيد
ولاهان ابن عصاي والماقف شهد
للي لهم فاللازمه راي(ن) سديد
والاد ذايب ساندونا بفعلهم
فعل الوفاء فيهم ماهو شي(ن) جديد
خص الجهيمي معه ضيف الله جبر
اللي مواقيف الوفاء فيهم تزيد
وحضور ابن رازان ومن مثله حضر
تقول للحضار كنّه يوم عيد
وذوي عطيه ربعنا يا حيهم
اهل الوفاء عند القريب والبعيد
خالد بن شليويح راع الاوله
اللي بذل فالازمه جهد(ن) جهيد
وابن عميره بدر بن قاعد ظهر
كن الحميا فيه تنبض فالوريد
ولاهان ابن وبصان والي يبذله
من دوننا يدحم ويافي للحديد
من غير قاصر في رياجيل(ن) لفو
كل(ن) وعنده طيب والمولا شهيد
الله يبيض وجههم ويعزهم
وقايد عساه يعيش فالدنيا سعيد
والطيب ما نستغربه من فاعله
شيخ(ن) ليازادت هقاوينا يزيد