[COLOR=#1B1B04][B][SIZE=4]يقول من حده زمانه وعنْاه

قصيدتن يبرق ويرعد رعدها

فيَ راس مرجومن ليا ضاق يرقاه

يبعده عن غل العباد وحسدها

يظهر به الليَ كان خافي عن عداه

لو حشمته ماهتز ثابت وتدها

يوم الليالي بالمواجع تحداه

صبر على جور الليال ونكدها

والصبر مفتاح الفرج لاعدمناه

يواسي النفس ويخفف جهدها

والعمر فرصه والمنايا تقفاه

والعلم وش تال الحياه وبعدها

ماكل مانبغاه فالوقت نلقــاه

بعض الاماني سهله ونفتقدها

الجود يرضي ذايقتنا ونهواه

والمرجله بنتن يامطيب ولدها

والكاسب اللَي عقب موته وفرقاه

يكسب دعا العالم ويكسب زهدها

والطيب يابعده عن اللاش بعداه

اللَي فعوله قل منَهو حمدها

ويامقربها منَ كاسب المدح قرباه

اللَي فعوله غيم يحمـد بردها

فيَ حزة الشده ليا احتجت تلقاه

مثل الحرار اللَي ينومس هددها

طبع الرجال ان قالت القول تحماه

واليا اوعدت لابد توفي وعدها

ولا الرفيق اللَي بعد كلَ ماجاه

انكر وفا اصحابه عليه وجحدها

علمن يجيه وياصله ويتعــــداه

دام البيوت الشامخه منَ عمدها

مَانرخص الصاحب على الود نرعاه

وزلته لاجتنا تحط بلحـــــدها

واليا خذاه الوقت والظرف وداه

نبقى على سلم الرجال وعهدها

الا لشفنا السوء بالصد نجزاه

لين يتمنا حاجتن يفتــــقدها

دون الكرامه نرخصه ونتناساه

لو كان غالي والمحاني وردها

واللي لدرب الوصل مايقصر خطاه

نفتح له اضلاعن غلاه يحشدها

واللي يروّح روحة مقيط ورشاه

النفس منَ فرقاه يقبل سعدها

ويالله ياللي كلَ منَ ضاق ناجاه

زد نفسي بطاعتك يارب زدها

واغفر ذنوب القلب واغفر خطاياه

ياخالقن خلقك ومحصي عددها

الشآعر : خالد بنَ بجاد ابن ملافخ[/SIZE][/B][/COLOR]