[COLOR=#151502][B][FONT=Times New Roman][SIZE=4]من ضيقة الخاطر كتبت المكاتيب

ونظمت قافٍ واضحاتٍ حروفه

انوب وادعي عالم السر والغيب

اللي مخاف ولا خشى غير خوفه

يفرج لـ قلبٍ ذاق حر اللواهيب

اليا سلا حوْاف همْه يلوفه

زادت عليه النار وازريت لاطيب

ما اونس لهبها كود في وسط جوفه

سطابي وعذبني الحظ تعذيب

اليا تلْوا قلت ماهوب حوفه

ماشاب راسي لكن القلب به شيب

شيْب به اللي فالرفاقه يشوفه

ياليت ما فالناس جحْاد للطيب

ولاحدٍ يشح بما تجوده كفوفه

قلْو هل الفزعات واهل المواجيب

اللي يجيهم من تعسره ضروفه

يامكرْم الضيفان لا يفضي الجيب

اهل المصالح بيْنه ومعروفه

واللي وصوفه جات بالعار والعيب

وشلون ابطمع في بقايا وصوفه

ياكثر ماكرْمت بعض الاصاحيب

وافعالٍ بـ هافي ماهيب مخلوفه

تشدني رفقة هل العرف والطيب

اللي لها فالقلب ودْ ومروفه

ورفقه سلاتيحٍ غشتها العذاريب

عندي وعند الغانمين معيوفه

مير ان نصوني يبشرو بالتراحيب

وان فارقوني ماعليهم حسوفه

[/SIZE][/FONT][/B][/COLOR]